Bu gün Türkiyənin baş naziri Rəcəb Tayyip Ərdoğanın Rusiyaya iki günlük rəsmi səfəri başlayır. Danışıqlarda diqqət mərkəzində enerji və təhlükəsizlik məsələləri olacaq.
Bundan əvvəl Rusiyanın baş naziri Vladimir Putin ötən ilin avqustunda Türkiyəyə səfər etmişdi. Həmin səfər zamanı Putin Cənub Axını qaz kəmərinə Türkiyənin razılığını almışdı. Hələ tamamlanmamış Cənub Axını layihəsi Avropa Birliyinin dəstəklədiyi Nabukko layihəsinə alternativ sayılır.