Rusiyanın xarici işlər naziri Sergey Lavrov deyib ki, ölkəsi BMT-nin Nüvə agentliyinin Tehrana və üç böyük güc ölkələrinə - Rusiya, Fransa və Birləşmiş Ştatlara etdiyi təkliflə razılaşır. Sözügedən təklifdə söhbət İranın uranı zənginləşdirmək üçün ölkədən kənara göndərməsindən gedir. Razılaşma baş tutarsa, İran uranı zənginləşdirmək ehtiyatlarını Rusiya və Fransaya göndərməlidir ki, ondan İranın tibbi nüvə cihazları üçün yanacaq hazırlansın. Həmin yanacaq nüvə silahı üçün yararlı olmayacaq.