Edama məhkum edilənlər həbsdən qaçıb

İraqın Tikrit şəhərindəki həbsxanadan 16 nəfər qaçıb. Onlardan beşi Əl-Qaidə təşkilatıyla bağlı yaraqlılardır və onları terror ittihamlarına görə edam cəzası gözləyirdi.

Yerli rəsmilər kütləvi axtarışa başlayıblar və şəhərdə komendant saatı təbiq edilib. Polis Amerika qoşunlarından axtarış itləri və xüsusi avadanlıq istəyib.

Tikrit keçmiş prezident Səddam Hüseynin doğulduğu yer və sünnü yaraqlıların əsas dayaq nöqtələrindən biridir.