Qırğızıstanda keçirilən prezident seçkilərinin ilkin nəticələrinə görə, hazırkı prezident Kurmanbek Bakıyev 90 faiz səslə liderlik edir.
Qırğızıstanın Mərkəzi Seçki Komissiyası bu gün səhər seçkilərin ilkin nəticələrini açıqlayıb.
Artıq səslərin üçdə birindən çoxunun sayıldığı bildirilir.
Müxalifətin namizədi olan Almazbek Atambayev seçkilərin saxtalaşdırıldığını bildirib, yeni seçkilərin keçirilməsini tələb edib.
Seçkiləri müşahidə etmiş ATƏT nümayəndələrinin rəylərini günün sonunda açıqlaması gözlənilir.