 Bu barədə «Azadlıq» Radiosuna həmin saytların təsisçisi Elnur Məcidli xəbər verib. Hər iki sayt eyni serverdə yerləşir və hər ikisi blok olunub: «Biz indi bunun səbəblərini aydınlaşdırırıq. Düşünürük ki, sayta süni pink göndərərək serveri çökdürüblər. Saytın admin paneli də blok olunub». Elnur Məcidli deyir ki, serverin yerləşdiyi şirkət qısa müddət ərzində problemi həll edəcəyinə söz verib. «Sozunduzu.com» siyasi və hökuməti tənqid edən saytdır. «Adnanemin.com» saytı isə gənc fəallar – Adnan Hacızadə və Emin Millinin həbsinə etiraz olaraq yaradılıb. Elnur Məcidli xakerlərin hücumunun daha çox ikinci saytla əlaqəli olduğunu düşünür: «Gənclərlə bağlı bütün məlumatları, onların həbsinə aid son yenilikləri, xarici və yerli mediada gedən materialları 6-7 dildə həmin saytda yerləşdirirdik. Görünür, bu xəbərlərin bir ünvandan bu cür yayılması kimlərsə narahat edir». |
Azadlıq Trend
1