Keçid linkləri

2024, 17 İyun, Bazar ertəsi, Bakı vaxtı 12:12

Qasımovlar ailəsində qrip əlamətləri aşkar edilməyib


Xəstələrin vəziyyəti hazırda kafi qiymətləndirilir
Xəstələrin vəziyyəti hazırda kafi qiymətləndirilir
Saatlı rayonunun Naharlı kəndində bir ailə ürəkbulanması, yüksək hərarət və ishal əlamətləriylə yerli xəstəxanaya müraciət edib.

Respublika Taun Əleyhinə Dispanserin direktor müavini Şair Qurbanov «Azadlıq» radiosuna bildirib ki, xəstəxanaya müraciət edən Qasımovlar ailəsinin qidadan zəhərləndiyi bəlli olub: «Onlarda qrip əlamətləri aşkar edilməyib. Botulizm xəstəliyidir».

Ailənin bir üzvünün vəfat etməsiylə bağlı məlumatlara gəlincə, Şair Qurbanov deyir ki, vəfat edən şəxs epilepsiyadan əziyyət çəkirmiş. Ölümə səbəb də elə bu xəstəlik olub: «Epilepsiyası tutanda yıxılıb, başı dəyib. Bir neçə saat sonra isə keçinib».

Şair Qurbanov deyir ki, xəstələrə ilkin diaqnoz kimi botulizm xəstəliyi qoyulub, amma laboratoriya analizlərinin cavabı bir-iki günə məlum olacaq. Xəstələrin vəziyyəti hazırda kafi qiymətləndirilir.

Mayın 24-də Saatlı rayonunun Naharlı kəndində yaşayan Qasımovlar ailəsi ürəkbulanması, yüksək hərarət və ishal əlamətləriylə yerli xəstəxanaya müraciət edib.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG