Azərbaycanın qadınlardan ibarət voleybol yığması Rusiyanın Yekaterinburq şəhərində keçirilən «Yeltsin kuboku» yarışında Qazaxıstan millisini məğlub edib – 3-0. Bu qələbə Azərbaycan yığmasına 5-6-cı yerlər uğurunda mübarizəni davam etdirməyə imkan verib. Ötən illərlə müqayisədə «Yeltsin kuboku»nda zəif çıxış edən Azərbaycan yığması qrup mərhələsində Rusiyanın birinci yığmasına və Hollandiyaya uduzmaqla yarışın əsas mükafatlarına iddiasından əl çəkməli olub. Yarış iyulun 12-də başa çatacaq.