Neft ölkəsi olmasa da, Koreyada neft-kimya sənayesi inkişaf edib və dünyada beşinci yerdədir
Koreya Milli Tədqiqatlar Akademiyasının doktorantı Vasif Əliyev hesab edir ki, dünya bazarında neftin qiymətinin qalxması Koreya prezidentinin Azərbaycana səfərə gəlməsində mühüm amil olub. «Koreya kimi inkişaf eləmiş bir ölkənin kapitalını, texnologiyasını Azərbaycan öz məqsədlərinə uyğun sahələrə yönəldib, hər iki tərəfin nəsə əldə etməsi strategiyasını yeridə bilər». Neft ölkəsi olmasa da Koreyada neft-kimya sənayesi inkişaf edib və dünyada beşinci yerdədir.
Ekspertin fikrincə, bu ölkənin daxili bazarı kiçik olsa da burada əsas rolu xarici investisiya oynayır. Koreyanın neft-qaz sənayesi ilə bağlı doktorluq dissertasiyası üzərində işləyən Vasif Əliyev bildirir ki, inkişafın Koreya modeli Azərbaycan üçün nümunə ola bilər.
