BMT İnsan Haqları Şurasına üzvlük üçün Azərbaycanın müraciəti qəbul olunmayıb. Səbəb, Azərbaycanda insan haqlarının lazımınca qorunmamasıdır. Azərbaycan da daxil olmaqla 28 ölkənin, o cümlədən Ermənistanın, Çinin, İranın, İraqın müraciəti rədd olunub. 29 ölkənin müraciəti təmin olunub, 11 ölkəninki isə şərti təmin olunub. Müraciətinə müsbət cavab alan ölkələr arasında Gürcüstan, Ukrayna, Almaniya, Böyük Britaniya, Kanada var.
BMT-nin İnsan Haqları Şurasına əsas seçim mayın 9-da Baş Assambleyanın iclasında olacaq.
BMT-yə Nəzarət İdarəsi demokratik ölkələrə repressiv rejimlərin İnsan Haqları Şurasına üz olmasına imkan verməməyə çağırıb.
Azərbaycanın üzv olmasını «Human Rights Watch» təşkilatı da istəməmişdi. Bakıda isə rəsmilər Şuraya üzvlük üçün Azərbaycanın böyük şansı olduğunu deyirdilər.