1. Müzamil Abdullayev – keçmiş kənd təsərrüfatı naziri
1941-ci ildə Gəncə şəhərində anadan olub. 1994-cü ildin fevralından sentyabrına qədər kənd təsərrüfatı naziri vəzifəsində çalışıb. 1996-ci ildə vətənə xəyanət ittihamı ilə əvvəlcə ömürlük azadlıqdan məhrum edilib. Sonra isə cəzası 15 illik həbslə əvəz edilib. 1999-cu ildə əfv fərmanı ilə azadlığa buraxılıb.
2. Tofiq Qasımov – keçmiş xarici işlər naziri
1938-ci ildə Ağstafa rayonunda anadan olub. 1988-ci ildə Azərbaycan Xalq Cəbhəsinin yaradılmasında fəal iştirak edib. 1992-1993-cü illərdə Xarici İşlər naziri vəzifəsində çalışıb.
1995-ci ildə XTPD ilə hökumət qüvvələri arasında baş verən qarşıdurma dövründə qeyri-qanuni təşkilat yaratmaq, hökumət çevrilişinə çağırışlar etmək kimi ittihamlarla həbs edilib. Bir neçə ay sonra səhhətində yaranan problemlərə görə azadliğa buraxılıb. Hazırda Norveçdə siyasi mühacirətdə yaşayır.
3. Fikrət Yusifov – keçmiş maliyyə naziri
4. Fərhad Əliyev – keçmiş iqtisadi inkişaf naziri
5. Əli İnsanov – keçmiş səhiyyə naziri
6. Rauf Qarayev – keçmiş xarici iqtisadi əlaqələr naziri
1958-ci ildə anadan olub. 1992-1993-cü illərdə xarici iqtisadi əlaqələr naziri vəzifəsində çalışıb. 2000-ci ildə mətbuatda “neft işi” kimi izah edilən neft istehsalında külli miqdarda mənimsəmə ittihamı ilə 16 nəfərlə birlikdə həbs edilib. Əvvəlcə ona yeddi il həbs cəzası verilib. Sonradan cəza müddəti 4 ilə endirilib. 2001-ci ildə isə cəzasının üçdə-birini çəkdiyi üçün azadlığa buraxılıb.
7. Tofiq Hüseynov – keçmiş kənd təsərrüfatı naziri
8. Rafiq Feyzullayev – keçmiş təhsil naziri
1989-1992-ci illərdə təhsil naziri vəzifəsində çalışıb. Dələduzluq və dövlət vəsaitini israfetmə ittihamı ilə 2001-ci ildə 12 il müddətinə azadlıqdan məhrum edib. 2001-ci il iyunun 17-də Şuvələn qasəbəsində yerləşən 3 saylı təcridxanada vəfat edib.
9. Ədalət Əliyev – Azal Dövlət Hava Yolları Konserninin keçmiş prezidenti
1948-ci ildə Yevlax rayonunda anadan olub. Birinci dərəcəli təyyarəçidir. 1992-ci ilin martında “Azal” Dövlət Hava Yolları Konserninin rəhbəri təyin edilib. 1997-ci ildə yanacaq alınması və tikinti işlərində yeyintilərdə, oğlunu Konsernin hesabınxa xarici ölkələr oxumağa göndərməkdə ittiham edilərək həbs edilib. 1998-də ittihamların bir çoxu üzrə bəraət verilib, amma səhlənkarlıq da günahlı bilinərək üç il müddətinə şərti cəza ilə məhkəmə zalından azadlığa buraxılıb.
10. Eldar Salayev – Milli Elmlər Akademiyasının keçmiş prezidenti
1933-cü ildə Naxçıvanda anadan olub. Azərbaycan Dövlət mükafatı laureatı, fizika-riyaziyyat elmləri doktoru, akademikdir. 1983-1997-ci illərdə Azərbaycan EA-nın prezidenti olub.
2005-ci ilin parlament seçkiləri ərəfəsində cinayətə hazırlıq, kütləvi iğtişaş törədilməsi, hakimiyyəti zorla ələ keçirmə və ya onu zorla saxlama maddələri ilə təqsirləndirilərək həbs olunub. Ancaq səhhətində yaranan problemlərə görə bir qədər sonra haqqında həbs-qətimkan tədbiri dəyişdirilib.
11. Fikrət Sadıqov – «Azərkimya» Dövlət Şirkətinin keçmiş rəhbəri
1940-cı ildə Naxçıcanda anadan olub. 1992-2005-ci illərdə “Azərkimya” Dövlət Şirkətinin prezidenti vəzifəsində çalışıb. 2005-ci il parlament seçkiləri ərəfəsində külli miqdarda dövlət əmlakını talamaqda, qulluq mənafeyi əleyhinə cinayətlər törətməkdə, korrupsiyada və dövlət çevrilişinə cəhdə ittiham olunaraq həbs edilib. Bir neçə ay sonra isə zaminə buraxılıb.
12. Hafiz Hacıyev – “Azərbalıq” Dövlət Konserninin keçmiş sədri
1999-cu ildə həbsdən azad olunub.
13. Arif Mansurov – Ekologiya və Təbiətdən İstifadəyə Nəzarət Komitəsinin keçmiş sədri
1939-cu ildə Bakıda andan olub. Sovet dövründə bir sıra yüksək vəzifələrdə, o cümlədən, Tikinti Materialları Sənayesi nazir vəzifəsində çalışıb. 1992-1996-cı illərdə Ekologiya və Təbiətdən istifadəyə nəzarət Komitəsinin rəhbəri olub. 1997-cı ilin yanvarında də Rəhim Qazıyev və Arif Paşayevin MTN-dən qaçırılmasının təşkilində, bu barədə cinayəti bilib xəbər verməməkdə və qanunsuz silah saxlamaqda ittiham edilərək həbs olunub. Bir aya yaxın saxlandıqda sonra səhhətində problemlərə gorə beş il şərti cəza ilə azadlıqa buraxılıb.
