Yanvarın 20-də Rusiya Ukrayna ərazisi ilə Avropaya qaz nəqlini bərpa edib. Slovakiya bildirib ki, artıq qaz almağa başlayıb.
Rusiya qaz müqaviləsi və köhnə borclarla bağlı mübahisəyə görə yanvarın 1-dən Ukraynaya verdiyi qazı kəsmişdi. Bundan sonra Ukrayna vasitəsilə Avropaya gedən qazı da dayandırdı.
Yanvarın 19-da isə Moskva ilə Kiyev 10 illik qaz müqaviləsi imzalanıb.
«Qazprom» bildirib ki, yeni müqaviləyə görə, qazın min kubmetrini bu il Ukraynaya 360 dollara satacaqlar:
Amma bundan əvvəl Ukraynanın baş naziri Yuliya Timoşenko Rusiya qazını 230 dollardan almağa ümid etdiklərini deyirdi.