Keçid linkləri

2024, 29 Mart, Cümə, Bakı vaxtı 15:15

«Əvvəlki vəziyyətə qayıtmağı mühüm hesab edirik»


ABŞ səfirliyinin ictimaiyyətlə əlaqələr şöbəsinin rəhbəri Terri Devidson
ABŞ səfirliyinin ictimaiyyətlə əlaqələr şöbəsinin rəhbəri Terri Devidson
ABŞ administrasiyasının yüksək vəzifəli nümayəndələri Azərbaycan rəhbərliyinə xarici radioların yerli tezliklərdə yayımının bərpası məsələsi ilə bağlı müraciət ediblər.
Bu barədə «Turan»a Azərbaycan hökumətinə yaxın olan məlumatlı mənbələrdən daxil olub.

Məlumatı şərh edən ABŞ səfirliyinin ictimaiyyətlə əlaqələr şöbəsinin rəhbəri Terri Devidson «Turan»a deyib ki, bu məsələ ilə bağlı məsləhətləşmələr mütəmadi olaraq aparılır və davam etdiriləcək:

«Biz ona əsaslanırıq ki, yayımın FM-dən qısa dalğalara, internet və peyk kanallarına keçirilməsi təklifi əhalinin informasiya əldə etmək imkanını xeyli məhdudlaşdırır. Azərbaycanda bir çoxları üçün internet və peyk kanalları əlçatmazdır, həm də internetin keyfiyyəti heç də yaxşı deyil. Buna görə, əvvəlki vəziyyətə qayıtmağı mühüm hesab edirik».

Diplomat prezident administrasiyasının ictimai-siyasi şöbəsinin müdiri Əli Həsənovun yayımın orta dalğalarda davam etdirilməsi barədə dediklərini şərh etməyib.
Buna görə, güman etmək olar ki, Amerika tərəfi bu təklifi problemin həlli saymır.

Devidson bir sıra qəzetlərdə səfir Enn Dersin radiostansiyalar problemi ilə əlaqədar Vaşinqtona çağırılması barədə gedən məlumatları təkzib edib:
«Səfirin səfəri adi məzuniyyətdir və gələn həftə o, artıq Bakıda olacaq».

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG