Ağ Evdən deyirlər ki, Buşun ona ayaqqabı atan jurnalistə kini-filanı yoxdur. Keçən bazar Amerika prezidenti Corc Buş Bağdadda mətbuat konfransı keçirəndə bir jurnalist ayaqqabılarını ona atıb, bununla prezidentə nifrətini bildirib. Gənci tutublar.
Ağ Evin sözçüsü Dana Perino bildirib ki, jurnalistin hansısa şəkildə cəzalandırılması İraq hökumətinin işidir. Bəzi ərəb ölkələrində Buşa ayaqqabı atan gənci - Muntadhar əl-Zeidini qəhrəman elan ediblər, onun azad olunması tələbiylə mitinqlər keçirirlər.