Azərbaycan Müdafiə Nazirliyindən bildiriblər ki, İraqdakı Azərbaycan hərbçiləri vətənə dekabrın 7-də yola salınacaqlar. Nazirlikdən onu da deyiblər ki, Azərbaycan hərbçiləri mühafizə etdikləri obyektləri artıq İraqın hökumət qüvvələrinə təhvil verib.
Milli Məclisi noyabrın 11-də keçirilən iclasında «Azərbaycan Respublikası Silahlı Qüvvələri kontingentinin İraqdan geri çağırılması haqqında» qərar layihəsini təsdiq edib.
İraqda 5 il ərzində Azərbaycan kontingentində 150 hərbçi xidmət edib. 1 sülhməramlı həlak olub. APA