Son məlumata görə, seçicilərin 75.65, təxminən 76 faizi prezident seçkisində iştirak edib. «Azadlıq» radiosunun «Seçkilər» İnformasiya Mərkəzində olan müxbiri xəbər verir ki, 3 milyon 681 min 529 seçici səsverməyə qatılıb.
Ən aktiv seçki dairəsi 1 saylı Şərur-Sədərək dairəsidir, burda 92.2 faiz seçici səsverməyə qatılıb.
Ən passiv dairə isə 3 saylı Sabunçu dairəsidir. Burada 57.56 faiz seçici səsverməyə gedib. Ümumiyyətlə, rəsmi məlumata görə, Naxçıvan Muxtar Respublikasında seçicilərin 90.9 faizi seçkiyə qatılıb.