ABŞ-ın vitse-prezidenti Dik Çeyni Bakıya səfərində Gürcüstandakı prosesləri, Amerika-Azərbaycan münasibətlərini müzakirə edəcək.
D. Çeyni gələn həftə Azərbaycan, Gürcüstan, Ukrayna və İtaliyaya səfər edəcək. O, sentyabrın 3-də Bakıda prezident İlham Əliyev və onun komandasının üzvləri ilə görüşəcək.
Bu səfər barədə D. Çeyninin ofisində brifinq keçirilib. Bildirilib ki, Azərbaycan terrorçuluqla mübarizədə əsas tərəfdaşlardan biridir, Əfqanıstana, İraqa əsgərlərini göndərib. Amerikanın vitse-prezidenti Azərbaycana bu yardımına görə təşəkkür edəcək.
Səfər zamanı enerji məsələləri də əsas diqqət mərkəzində olacaq:
«Azərbaycan xalqına enerji resurslarını işləməkdə yardım göstərmək, bu resursları etibarlı şəkildə bazara çıxarmaq ümumi maraq kəsb edir - həm Birləşmiş Ştatlar, həm də bütün Avropa ölkələri üçün. Çünki bu ölkələrin enerji ilə bağlı gələcək planları var.
Azərbaycanda başqa mühüm məsələlər də var - Dağlıq Qarabağ münaqişəsinin sülh yoluyla həlli, beynəlxalq ictimaiyyətin İran sarıdan narahatlığı, Azərbaycanda demokratiyanın və qanunun aliliyinin gücləndirilməsi» - deyə D. Çeyninin ofisinin rəsmisi bildirib.
D. Çeyni gələn həftə Azərbaycan, Gürcüstan, Ukrayna və İtaliyaya səfər edəcək. O, sentyabrın 3-də Bakıda prezident İlham Əliyev və onun komandasının üzvləri ilə görüşəcək.
Bu səfər barədə D. Çeyninin ofisində brifinq keçirilib. Bildirilib ki, Azərbaycan terrorçuluqla mübarizədə əsas tərəfdaşlardan biridir, Əfqanıstana, İraqa əsgərlərini göndərib. Amerikanın vitse-prezidenti Azərbaycana bu yardımına görə təşəkkür edəcək.
Səfər zamanı enerji məsələləri də əsas diqqət mərkəzində olacaq:
«Azərbaycan xalqına enerji resurslarını işləməkdə yardım göstərmək, bu resursları etibarlı şəkildə bazara çıxarmaq ümumi maraq kəsb edir - həm Birləşmiş Ştatlar, həm də bütün Avropa ölkələri üçün. Çünki bu ölkələrin enerji ilə bağlı gələcək planları var.
Azərbaycanda başqa mühüm məsələlər də var - Dağlıq Qarabağ münaqişəsinin sülh yoluyla həlli, beynəlxalq ictimaiyyətin İran sarıdan narahatlığı, Azərbaycanda demokratiyanın və qanunun aliliyinin gücləndirilməsi» - deyə D. Çeyninin ofisinin rəsmisi bildirib.
