Andrey Şevçenko «Milan»a döndü. «Çelsi» futbol klubunun rəsmi saytının yaydığı məlumata görə, artıq bu haqda iki klub arasında razılıq əldə edilib. Razılaşmanın detalları açıqlanmır.
Şevçenko 2006-cı ildə İngiltərə premier-liqasının tarixi ərzində ən yüksək məbləğə – 30 milyon funt-sterlinqə «Milan»dan «Çelsi»yə transfer olunmuşdu. Ancaq onun «Çelsi»də işləri heç də qaydasında getmirdi - daima zədələrdən əziyyət çəkirdi.
Andrey Şevçenko «Milan»ın heyətində keçirdiyi 296 qarşılaşmada 173 qol vurub. Bu göstərici ilə o, klubun bütün tarixi ərzində ikinci ən yaxşı bombardiridir.
Andrey Şevçenko 2004-cü ildə Avropanın ən yaxşı futbolçusu seçilib.
