Avqustun 11-də Rusiyanın Azərbaycandakı fövqəladə və səlahiyyətli səfiri Vasili İstratov Gürcüstanda baş verən son hadisələrlə bağlı mətbuat konfransı keçirib.
Səfir Rusiyanın Bakı-Tbilisi-Ceyhan (BTC) neft kəmərinin təhlükəsizliyinə zəmanət verdiyini deyib. Səfirin sözlərinə görə, Rusiya tərəfi bu kəmərin neft nəqlində nə qədər əhəmiyyətli olduğunu başa düşür və onun təhlükəsizliyini qoruyur: «Kəmər istiqamətində heç bir hərbi əməliyyat aparılmayacaq. BTC ətrafında Rusiyanın heç bir planı yoxdur». ANS