Parlament çoxarvadlılıq haqqında qanunun müzakirəsinə hazırlaşır

İran parlamenti çoxarvadlılığa şərait yaradan qanunun müzakirəsinə hazırlaşır.

Yeni qanun layihəsinə görə, kişi ikinci arvad almaq üçün əvvəlki arvadından icazə almayacaq. İkinci arvadı almaq üçün kişinin maddi imkanları yetərli olmalı və hər iki arvadına eyni münasibəti göstərəcəyi barədə öhdəlik götürməlidir.

Nobel mükafatına layiq görülmüş İranın insan haqlarının müdafiəçisi Şirin İbadi bu qanun layihəsinə görə hökuməti tənqid edib. O, yeni qanunun İran cəmiyyətində aşınmalara səbəb ola biləcəyini deyib.