Pakistan İslam Respublikasında rəsmi səfərdə olan Azərbaycan Müdafiə naziri Zakir Həsənov bu ölkənin Birləşmiş Qərargah Rəisləri Komitəsinin sədri Nadim Raza ilə görüşüb.
Bu barədə Azərbaycan Müdafiə Nazirliyi məlumat yayıb: "Görüşdə iki ölkə ordularının qoşun növləri arasında əlaqələrin genişləndirilməsi, qarşılıqlı səfərlərin təşkili və əməkdaşlığın daha da inkişaf etdirilməsinin əhəmiyyəti xüsusi vurğulanıb. Tərəflər Azərbaycan ilə Pakistan arasında hərbi, hərbi-texniki, hərbi təhsil, terrorla mübarizə və təhlükəsizliklə bağlı digər məsələləri müzakirə ediblər".
Azərbaycan Müdafiə naziri Z.Həsənovun rəhbərlik etdiyi nümayəndə heyətinin Pakistan səfəri dünən, martın 21-də başlayıb.
Bundan əvvəl Z.Həsənovu bu ölkənin Baş naziri İmran Xan qəbul etmişdi.