Ermənistan sərhəddə atəşkəsin yenidən pozulduğunu bildirir. Noyabrın 21-də Yerevanın verdiyi məlumata görə, ötən gecə Ermənistan-Azərbaycan sərhədinin şərq hissəsində Ermənistanın mövqelərinə atəş açılıb.
Ermənistan tərəfdə itki olmadığı, noyabrın 21-də səhər sərhəd boyunca vəziyyətin “nisbətən sabit” olduğunu bildirib.
Buna da bax: Azərbaycan prezidenti: 'Fransa-Ermənistan tandemi bu imkandan da istifadə edə bilmədi'Azərbaycanın Müdafiə Nazirliyi isə bu xəbərlərin tamamilə “yalan” olduğunu, “həqiqəti əks etdirmədiyini” qeyd edib.
2020-ci ildə 44 günlük müharibə bitəndən sonra tərəflər bir-birini atəşkəsi pozmaqda, sərhəd boyunca vəziyyəti gərginləşdirməkdə ittiham edib.
Yerevan ötən həftə sərhəd toqquşmaları nəticəsində azı iki erməni əsgərinin ciddi xəsarət aldığını bildirib.
Buna da bax: Separatçılar Bakı ilə birbaşa danışmaq istəmirlərXatırlatma
Sentyabrın ortasında sərhəd toqquşmalarında 300-dək hərbçi həlak olub. Bu, 2020-ci ilin 44 günlük müharibəsindən bəri ən çox ölümlə nəticələnmiş toqquşma idi.
Həmin müharibə nəticəsində Azərbaycan Qarabağın bir hissəsinə və ətraf 7 rayona nəzarətini bərpa edib. Təmas xəttinə və Laçın dəhlizinə Rusiya hərbçiləri yerləşdirilib.
Buna da bax: Ağdam və Xocalıda vəziyyətin yenidən gərginləşdiyi xəbər verilirHəmin toqquşmalardan sonra Ermənistan-Azərbaycan sərhədinə Avropa İttifaqının mülki monitorinq missiyası yerləşdirilib. Oktyabrdan başlanan missiyanın iki ay çəkəcəyi bildirilir.
1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi. Həmin münaqişə nəticəsində 30 minədək insan həlak olub.