Xırdalanda dəyirmanın hasarının uçması nəticəsində iki fəhlə uçqun altında qalıb. Hər iki fəhlə aldıqları xəsarətdən vəfat edib.
Abşeron rayon Prokurorluğundan APA-ya verilən məlumata görə, "Arient" MMC-yə məxsus dəyirmanın hasarı aşıb. Nəticədə 22 yaşlı Rəcəb Cavadov və 21 yaşlı Sadiq Mehdiyev uçqun altında qalaraq, ölüblər.
Faktla bağlı Cinayət Məcəlləsinin 162-ci maddəsi ilə cinayət işi başlanıb.