Xərçəng xəstələrinin sayı artır, müalicə bahadır – 'Heç olmasa, yarısını sığorta qarşılasın'

Azərbaycanda hər gün 40-dan çox insana xərçəng diaqnozu qoyulur. Döş xərçənginə qalib gəlmiş Zəminə Dəmirova bildirir ki, onkoloji xəstəliklərin müalicəsi həddindən artıq bahalıdır: "Çox yaxşı olardı ki, onkoloji müalicə icbari tibbi sığorta zərfinə daxil edilsin. Heç olmasa, xərclərin yarısını sığorta qarşılasın. Onda bu qədər itki olmaz, vətəndaşlar da müalicələrini yarımçıq qoymazlar. Vallah, inanın, son 4-5 ildə o qədər gənc xanım itirmişik ki!.. Maddi gücləri çatmadığı üçün müalicəni davam etdirə bilmədilər".