Aprelin 14-də Xaçmaz rayonundakı bir quşçuluq fermasında yanğın baş verib.
Yanğın rayonun Cığatay kəndində qeydə alınıb.
AZƏRTAC-ın məlumatına görə, yanğın zamanı 5 mindən çox cücə tələf olub.
Ümumi sahəsi 500 kvadratmetr olan fermanın 200 kvadratmetri yanıb. Yanğının söndürülməsindən ötrü əraziyə Fövqəladə Hallar Nazirliyinin Xaçmaz yanğından mühafizə hissəsinin üç yanğınsöndürən maşını və canlı qüvvəsi cəlb olunub.
Xəbərdə habelə qeyd edilir ki, üç yüz kvadratmetr ərazi yanğından mühafizə olunub, alovun daha geniş əraziyə yayılmasının qarşısı alınıb.
Hazırda yanğının baş vermə səbəbləri araşdırılır.