Rusiyanın Uzaq Şərqindəki Xabarovsk şəhərində minlərlə etirazçı regionun qubernatoru Sergei Furgal-a dəstək aksiyasına çıxıb.
Müxalif Liberal Demokrat Partiyasından (LDPR) olan Furgal 2004-2005-ci illərdə iki biznesmeninin qətlinin sifarişində ittiham olunur.
Nümayişçilər iyulun 13-də şəhərin mərkəzi küçələrində yürüş keçirərək Furgal-ın azad olunmasını tələb ediblər.
Onlar şəhərin mərkəzindəki Lenin meydanına toplaşmalıydılar, lakin şəhər bələdiyyəsi meydanın daş döşəməsini yumağa başladığından aksiyaçıların istiqaməti dəyişib.
Polis nümayişçilərdən nəqliyyatın işini pozmamağı tələb etdikdə onlar yürüşü səkilərlə davam etdiriblər.
Молодцы! Хабаровск показал, как нужно выходить на улицу против беззакония и беспредела власти! Точно так же нужно было выходить против пенсион реформы, повышения НДС, цен на бензин и ЖКХ, обнуления Конституции и узурпации власти.Десятки тысяч человек скандируют: «Позор Москве!» pic.twitter.com/4fJHDIo7Ey
— Жуковский Владислав (@vlad_zhukovskiy) July 11, 2020
Onların əllərindəki plakatlarda “Biz Furgal-ı dəstəkləyirik”, “Furgal-a azadlıq”, “Qüvvə bizik” kimi plakatlar vardı.
Bəzi etirazçılar Rusiya prezidenti Vladimir Putinin əleyhinə şüarlar səsləndiriblər.
Küçə boyunca avtomobillər aksiyaya dəstək olaraq aramsız siqnal verirdilər.
Nümayişçilərin sayı bundan əvvəlki aksiyadakından bir qədər az idi.
Ötən həftəsonu keçirilən mitinqə 35 mindən çox etirazçı qatılmışdı.
Bu, son illərdə Rusiyada keçirilmiş ən böyük etiraz aksiyası idi.
Putinin nümayəndəsi Xabarovska gəlib
Etiraz aksiyasının ardınca Rusiya prezidentinin Uzaq Şərq regionu üzrə nümayəndəsi Yury Trutnev Xabarovska gələrək yerli hakimiyyət rəsmiləri ilə görüşüb.
Kommersant qəzetinin yazdığına görə Trutnev yerli rəsmiləri həftəsonu keçirilən etiraz nümayişlərinin təşkilində ittiham edib.
Amma Trutnev müxbirlərə deyib ki, hakimiyyət orqanları əllərində 100 faizlik sübutlar olmasa Furgal-ı həbs etməyəcəklər.
O əlavə edib ki, “insanların öz fikirlərini və mövqelərini sərbəst şəkildə ifadə etmək hüququ var”.
İyulun 12-də keçirilmiş aksiyada yürüşçülər Xabarovsk regionu üzrə Federal Təhlükəsizlik Xidməti binasının qarşısına toplaşmış və “Furgalı azad et” tələbini irəli sürmüşdülər.
Тысячи людей идут по улицам. Прорывают заграждения. Штурмуют главные площади. Скандируют под администрацией «Путин уходи» и «Путин - вор». Хабаровчане покорили мое сердечко #россиябезпутина #фургал #свободуфургалу #хабаровск2020 pic.twitter.com/JZEoB54WSm
— Mari_Architect❌ (@Architect_Mari) July 11, 2020
Paytaxtdan son dərəcə uzaqlığı nəzərə alınarsa, Xabarovskda Kremlə qarşı etirazlar nadir hadisədir.
Xabarovsk regionunda Konstitisiya dəyişiklikləri səsverməsində seçicilərin əksəriyyəti Putini 2036-cı ilədək hakimiyyətdə saxlayacaq təklifin əleyhinə səs verib.
Bundan daha kiçik mitinqlər regionun Komsomolsk-na-Amure və başqa şəhərlərində də keçirilib.
İyulun 10-da Moskva məhkəməsi Furgal-ın barəsində 2 aylıq həbs qətimkan tədbiri seçib.
Buna da bax: Zhirinovsky hakimiyyətə: ‘Stalin dövründəki kimi hərəkət edirsiniz...’
Zhirinovsky Xabarovskdakı etirazı dəstəkləyir
LDPR-in lideri Vladimir Zhirinovsky-nin partiyasına üzv olan Furgal biznesmenlər Aleksandr Smolsky, Yevgeny Zorya və Oleg Bulatovun qətllərini sifariş etməsi barədə ittihamları rədd edir.
Zhirinovsky iyulun 13-də Telegram-da yazıb ki, Furgal-ın həbsi onun müxalifət partiyasının üzvü olması ilə bağlıdır.
O habelə qeyd edir ki, Furgal regionun ən yaxşı qubernatorlarından biridir və buna görə də Kremldə qısqanclıq yaradıb.
Başqa bir postunda Zhirinovsky Xabarovsk nümayişlərini dəstəklədiyini deyib, amma bildirib ki, onun partiyası icazəsiz aksiyaların əleyhinədir.
Furgal 2018-ci ildə keçirilən qubernator seçkisində gözlənilmədən Kremlin namizədi Vyacheslav Shport-a qalib gəlmişdi.
Митинг в Хабаровске прошел под лозунгами «Путин вор», «Москва уходи», «Свободу Фургалу». Самый главный вывод для нас с вам — ни одного ОМОНовца на митинге не было видно, вот что бывает когда на улицы выходят много людей. pic.twitter.com/CL68OXgI6B
— Anatoly Nogovitsyn (@anatolynog) July 11, 2020