Türkiyənin baş naziri Binali Yıldırım ölkəsinin Rusiyadan S-400 raketdən müdafiə sistemi almaq qərarını məcburi addım adlandırıb.
O deyib ki, Türkiyə eyni tipli sistemlərin ABŞ və Avropadan alınmasına cəhd etsə də, bu məsələ müttəfiqlər tərəfindən yubadılıb.
Türkiyə NATO-nun üzvüdür. Rusiyadan S-400 alınması onun alyansdakı müttəfiqlərini narahat edir.
Yıldırım deyib ki, raketdən müdafiə sisteminin alınması yubandığı üçün Suriya ərazisindən atılan raketlər son illər Türkiyədə 29 insanın həyatına son qoyub.