Prezident Donald Trump Milli Təhlıükəsizlik Agentliyinin (MTA) növbəti direktoru və ABŞ kibernetik komandanlığının rəhbəri vəzifələrinə general-leytenant Paul Nakasone-nin namizədliyini təqdim edib.
Trump-ın kibertəhlükəsizlik müaviri Rob Joyce prezidentin namizədi barədə fevralın 14-də yazdığı tvitdə Nakasone-nin kibernetik təhlükəsizlik sahəsindəki təcrübəsini tərifləyib.
Congratulations to Lt. Gen. Paul Nakasone, nominated as Director NSA & Commander,U.S. Cyber Command, a positon that will earn him his 4th star! An exceptional leader for two exceptional orginizations, he brings great experience and strong cyber background. @NSAGov @USCyberCommand pic.twitter.com/7rAX8QwbY0
— Rob Joyce (@RobJoyce45) February 13, 2018
Əgər namizədliyi Senat tərəfindən təsdiq edilərsə, Nakasone ABŞ-ın ən mötəbər kəşfiyyat postlarından birini tutacaq.
O hazırda ABŞ kiberhərbi qüvvələrinin komandanıdır.
Nakasone-nin atası - təqaüdə çıxmış ordu polkovniki və alim Edwin Amerikaya mühacirət etmiş yaponların ikinci nəslinin nümayəndəsidir.
MTA son illərdə məxfi materiallarının sızması ilə bağlı ağır zamanlar yaşayıb.
Nakasone-nin namizədliyinin irəli sürülməsi həm də bir-birinə bağlı iki postun bir əldə cəmləşdirilməsi məqsədini güdür. Bunlardan biri kəşfiyyat, digəri isə kiberqüvvələrə komandanlıqdır.
MTA-nın hazırkı direktoru Mike Rogers bu yaz təqaüdə çıxacağını bəyan edib.