Azərbaycanın aviadaşıma bazarına daha bir aşağı büdcəli sərnişindaşıma xidməti (lou-kost) daxil olub. Bu Rusiyanın “Pobeda” şirkətidir.
Bu haqda “Turan” İnformasiya Agentliyi Dövlət Mülki Aviasiya Administrasiyasına (DMAA) istinadən xəbər verir.
“Pobeda” oktyabrın 31-dən Rostov-Bakı-Rostov marşrutu üzrə müntəzəm uçuşlara başlayacaq.
Xəbərdə bildirilir ki, “Pobeda” oktyabrın 31-dən Rostov-Bakı-Rostov marşrutu üzrə müntəzəm uçuşlara başlayacaq.
Uçuşların həftədə 4 dəfə - bazar ertəsi, çərşənbə, cümə və bazar günləri yerinə yetirilməsi planlaşdırılır.
Buna da bax: Təbrizdən Bakıya aviareys açıla bilər
Bu, Azərbaycana uçuşlar yerinə yetirən beşinci lou-kosterdir. Hazırda ölkəyə belə flydubai, WizzAir, Pegasus və airBaltic aviaşirkətləri uçuşlar həyata keçirir
Dövlət Mülki Aviasiya Administrasiyası həmçinin, ölkə regionlarına uçuşlara başlanılmasından ötrü bir sıra aviaşirkətlər ilə danışıqları davam etdirdiyini bildirir.