Yekaterinburqdan olan jurnalist Yuri Izotov siyasi sığınacaq üçün Gürcüstan hakimiyyətinə müraciət edib. Bu barədə "Кrım.realii" məlumat yayıb.
Sayta müsahibəsində jurnalist Rusiyadakı cinayət araşdırmalarından qorxduğunu deyib.
"Yayda Moskvadakı mitinqinin dağıdılması ilə bağlı sosial şəbəkələrdə yazdığım postlarla bağlı təhlükəsizlik qüvvələri yoxlamalar apardı. Yoxlama cinayət işinin başlanmasından imtina ilə başa çatsa da, yaxşı başa düşürəm ki, istənilən vaxt mənə qarşı istənilən bir cinayət işi açıb axtarışa verə bilərlər " deyə o bildirib.
Yuri Izotov 2016-cı ildə Rusiyanı tərk edib. Bir müddət Ukraynada yaşayan jurnalistin bu ölkədən siyasi sığınacaq almaq istəyinə mənfi cava verilib.
O hesab edir ki, o Kiyevdəki antihərbi aksiyalarda iştirakına görə Rusiyadakı araşdırmaların qurbanına çevrilə bilər.