Rusiya müxalifəti prezident Putinin yenidən prezident seçilməsi təklifi ilə bağlı etiraz edir. "Açıq Rusiya" və "Dəyişikliklər Partiyası" Moskva meriyasına mitinq üçün müraciət ediblər. Mitinqin martın 21-də keçirilməsi nəzərdə tutulur. Təşkilatçılar hesab edir ki, Rusiya Konstitusiyasının dəyişdirilməsi hüquqa ziddir: "Bu ölkədə hakimiyyətin 20 ildən artıq dəyişməməsi o deməkdir ki, ölkənin gələcəyi yoxdur".
Martın 10-da Dövlət Duması prezident Vladimir Putinə 2024-cü ildə bir daha prezidentliyə namizədliyini verməsinə imkan yaradan konstitusiya düzəlişini qəbul edib.