Bugün, sentyabrın 28-də deputat Qənirə Paşayevanın müalicə olunduğu Mərkəzi Klinik Xəstəxananın reanimasiya şöbəsində vəfat etdiyi bildirilir.
Bu barədə məlumatı “Turan”a deputatın yaxınları təsdiqləyib.
O, səhhətində yaranmış problemlərlə əlaqədar sentyabrın 23-dən Mərkəzi Klinik Xəstəxananın reanimasiya şöbəsinə yerləşdirilmişdi.
Ona naməlum mənşəli hipotonik vəziyyət diaqnozu qoyulduğu açıqlanmışdı.
O, 2005-ci ildən deputat idi. 105 saylı Tovuz Seçki Dairəsindən parlament üzvü seçildiyi açıqlanmışdı.
Qənirə Paşayeva 1975-ci ildə doğulub. Azərbaycan Dövlət Tibb Universitetinin pediatriya və Bakı Dövlət Universitetinin beynəlxalq hüquq fakültəsini bitirib.
O deputatlıqdan öncə ANS televiziyasında müxbir və redaktor kimi çalışıb.