-
Türkiyənin İğdır vilayətində törədilən partlayışda azı 13 nəfər ölüb.
Yerli kütləvi informasiya vasitələrinin məlumatına görə, hədəf sentyabrın 8-də gömrük işçilərini aparan mikroavtobus olub.
Onlar Azərbaycanla sərhəddəki gömrük məntəqəsinin əməkdaşlarıdır.
Hücum nəticəsində həmçinin 4 nəfərin yaralandığı bildirilir.
Sizin brauzer HTML5-i dəstəkləmir
Türkiyəli jurnalist Doğukan Aras İğdır Naçıvan sərhədi yaxınlığındakı basqından danışır
Anadolu agentliyi bundan əvvəl İraqın şimalında PKK yaraqlılarına qarşı keçirilən hava reydləri zamanı 40-dək terrorçunun öldürüldüyünü xəbər vermişdi.
Məlumata görə əməliyyatda 50-dən çox təyyarə iştirak edib.
PKK iyulda atəşkəs sazişindən çıxdıqdan sonra Türkiyənin hərbi-hava qüvvələri ölkənin cənub-şərqi və İraqın şimalında kürd yaraqlılarına qarşı hava reydləri keçirir.