Həftənin fotoları: 2-8 iyun

Danimarkada ənənəvi Grindadrap - balina ovu mövsümü başlayıb. (Reuters/Andrija Ilic) 

Ukraynada rus dilinə ölkənin şərq əyalətlərində xüsusi status verilməsinə dair qanun layihəsinin müzakirəsi zamanı parlamentin binası qarşısında müxalifətin etiraz aksiyasını polis dağıdır. (Reuters/Gleb Garanich)

Moskvada futbol üzrə Rusiya yığma komandası Polşaya Avropa Çempionatına yola salınır. (AFP/Kirill Kudryavtsev)  

Əfqanıstanın Loqar əyalətində NATO-nun hava zərbələrindən sonra yerli sakinlər dağıntılar altında yaxınlarının cəsədlərinin qalıqlarını axtarıalr. (Reuters) 

Şimali Koreya lideri Kim Jong Un Koreya Gənclər Təşkilatının 66-cı ildönümü üçün Pxenyanda keçirilən tədbirdə. (AFP PHOTO/KCNA via KNS)

Misirin paytaxtı Qahirədə Tahrir Meydanında etiraz aksiyası iştirakçısı qum və kapron butulka qapağı ilə bu sözləri yazır: "İnqilab davam edir, Azad Misir, rədd olsun hərbi hakimiyyət". (Reuters/Amr Abdallah Dalsh) 

Fransa paytaxtı Parisdə keçirilən çempionatda Serbiya tennisçisi oyun zamanı. (Reuters/Benoit Tessier)

Əfqanıstanın Kunar əyalətində ABŞ əsgəri açıq məkanda snayperdən qorunmaq üçün qaçır. (Reuters/Tim Wimborne) 

Qazaxıstanın Aktau şəhərində 2011-ci ilin dekabrında Janaozen şəhərində baş vermiş qarşıdurmaya görə tutulanların məhkəməsi gedir. Polis məhkəməni izləməyə gələnlərin qarşısını kəsib. (Reuters/Olga Yaroslavskaya)

Moskvada etiraz aksiyalarına görə külli miqdarda cərimə nəzərdə tutan qanun layihəsinin qəbuluna etiraz edənlərdən biri saxlanır. (Reuters/Sergei Karpukhin)

Venera planetinin Günəşin qarşısına keçdiyi vaxt Rusiyanın İvanovo regionunda bu cür görünüb. (ITAR-TASS/Vladimir Smirnov)