Türkmənistanda sevilən müğənnilərdən olan Nazir Həbibov azadlığa buraxılıb.
Bu yanvarın 20-də “Yutub”da yerləşdirilən videodan bəlli olur.
Qeyd edək ki, əslən azərbaycanlı olan Nazir Həbibov Türkmənistanda ən bahalı toy müğənnilərindən biridir.
Turkmen TW kanalında göstərilən videoda müğəni ətrafında olan adamları Yeni il münasibətilə təbrik edir.
Onu Anqar keçəsində əhatə edən insanlarsa müğənnidən kişilərin adından bir mahnı oxumağı xahiş edirlər.
Həbsxana müəssisəinin yerləşdiyi bu küçə, camaat arasındacinayətkarlar aləmin toplaşdığı yer kimi tanınır.
Videoda həbsxana nəzarətçilərinə bənzər ,hərbi geyimli adamlar və güman ki, müğənnini aparmağa gəlmiş avtomobil də görünür.
Amma video kəsildiyindən müğənninin avtomobilə oturub-oturmadığı bilinmir.
AzadlıqRadiosunun Türkmənistan xidməti də
hələlik Nazir Həbibovun azadlığa çıxıb-çıxmadığını təsdiqləyə bilməyib.
Qeyd edək ki, Nazir Həbibov ötən ilin avqustunda narkotik ittihamı ilə həbs olunub, həmin ilin oktyabrında isə 12 il azadlıqdan məhrum edilib.
Həmin vaxt dövlət televiziyasına çıxarılan müğənni narkotik qəbul etdiyini etiraf eləmiş və buna görə üzr istəmişdi.
Amma AzadlıqRadiosunun Türkmənistan xidmətinə 2 mənbədən verilən məlumata görə, müğənni yüksək vəzifəli şəxslərdən birinin toy mərasiminə dəvəti qəbul edə bilmədiyinə görə, hesab verməli olub.
Buna səbəbsə, onun həmin vaxt əvvəlcədən başqa bir tanınmış ailənin toyuna vəd verməsi olub.