Fransa prezidenti Emmanuel Makron Münhendə keçirilən Beynəlxalq Təhlükəsizlik Konfransı zamanı Fransa mətbuatına verdiyi müsahibəsində Qərbin Ukraynaya hərbi yardımları genişləndirməyə hazır olduğunu deyib.
Müharibənin uzun sürən bir mərhələyə keçdiyini bildirən Makrona görə, Qərb Ukraynanın qələbəsini istəyir, Rusiyanın dağılması yox.
Buna da bax: Soros: 'Ukraynada məğlubiyyət Rusiya imperiyasının sonu olacaq'Makron deyib ki, Fransa heç vaxt Rusiyanı darmadağın olunmasını istəməyib və istəməyəcək də. O, Rusiyaya öz ərazisində hücum tələb edənlərin də fikirlərini bölüşmədiyini vurğulayıb. Amma həm də etiraf edib ki, indi “Moskva ilə dialoq zamanı deyil”.
Fransa Prezidenti ümidvar olduğunu bildirib ki, Ukraynanın Qərb müttəfiqləri tərəfindən dəstəklənən hərbi uğurları Kremli danışıqlar masası arxasına keçirə bilər.
Rusiyada hakimiyyət dəyişikliyi imkanlarına toxunan Makron bunun yaxın gələcəkdə mümkün olacağına şübhə ilə yanaşdığını bildirib.
Buna da bax: Ukraynalı kimsəsiz uşaqlar işğal altında. ‘Bilirdilər ki, səsləri çıxsa...’Onun fikrincə, rejimin kənardan dəyişdirilməsi cəhdləri artıq bir çox ölkələrdə iflasa uğrayıb və Rusiya prezidenti Vladimir Putinin mümkün xələfləri kimi görünə bilən namizədlər ondan qat-qat pisdirlər.
Rusiya 2022-ci il fevralın 24-də Ukraynaya hücum edib. Hələ də davam edən müharibə nəticəsində Ukraynanın çoxsaylı şəhər, qəsəbə və digər yaşayış məntəqələri dağıdılıb. Minlərlə insan həlak olub, öz evlərin, ölkələrini tərk etmək məcburiyyətində qalıb.