İctimai fəal, meclis.info platformasının təsisçisi İmran Əliyevdən bu gün, martın 30-da xəbər tutmaq mümkün olub.
Yaxınları onun polisdə saxlandığını, martın 30-u səhər saatlarında sərbəst buraxıldığını deyirlər. Amma onlar baş verənlərin detallarından xəbərsiz olduqlarını qeyd ediblər.
Hazırda da İ.Əliyevin özünün telefonuna zəng çatmır.
Azərbaycanın hüquq-mühafizə orqanlarından isə bu məlumata münasibət almaq mümkün olmayıb.
İctimai fəaldan xəbər yoxdur
İctimai fəal, meclis.info platformasının təsisçisi İmran Əliyevdən dünən, martın 29-dan xəbər olmadığı bildirilir.
Fəalın yaxınları deyib ki, o, martın 29-da saat 14:00 radələrində yoxa çıxıb: "Dostlarla görüşməli idi, evdən çıxıb, bundan sonra onunla əlaqə saxlamaq mümkün deyil. Bir sutka keçməsinə baxmayaraq, ondan bir məlumat yoxdur".
Onların sözlərinə görə, məsələ ilə bağlı hələ martın 29-da Daxili İşlər Nazirliyinin "102" Xidmətinə müraciət olunub.
Hüquq-mühafizə orqanlarından, hələlik, məlumat almaq mümkün olmayıb.