Hollandiya hökuməti Roterdamda Türkiyə rəsmilərinin iştirakı ilə referendum tədbiri keçirilməsinə icazə verməyib. Martın 11-ə planlaşdırılan tədbirdə Türkiyənin xarici işlər naziri Mevlüt Çavuşoğlunun da iştirak edəcəyi gözlənilirdi.
Bundan əvvəl Almaniyada da referendum tədbinin keçirilməsinə icazə verilməmişdi.
Türkiyədə Konstitusiyaya dəyişikliklərlə bağlı referendum aprelin 16-da keçiriləcək.
Konstitusiya dəyişiklikləri parlament idarəçiliyindən prezidentlik idarəçiliyinə keçidi nəzərdə tutur.
Dəyişikliklər referendumda qəbul olunarsa, millət vəkillərinin sayı 550-dən 600-dək artırılacaq. Parlament üzvü seçilmək yaşı 25-dən 18-ə endiriləcək. Parlament və prezident seçkiləri beş ildən bir eyni gündə keçiriləcək.