-
Fevralın 12-də SOCAR prezidenti Rövnəq Abdullayev “Günəşli” yatağındakı 10 saylı Dərin Dəniz Özülünə səfər edib.
SOCAR-ın saytı yazır ki, o, əvvəlcə, özülün yanğın söndürüldükdən sonrakı vəziyyətinə baxış keçirib.
Əsas istehsal qurğu və avadanlıqların, həmçinin quyuların vəziyyəti haqqında Şirkət prezidentinə ayrı-ayrılıqda məruzə edilib.
Sonra SOCAR-ın aidiyyatı rəhbər işçilərinin iştirakı ilə istehsalat müşavirəsi keçirilib.
SOCAR prezidenti yanğının söndürülməsindən sonra özüldə qəzanın nəticələrinin aradan qaldırılması qrafiki ilə tanış olub.
Rövnəq Abdullayev özüldə hasilat prosesinin planlaşdırılan müddətdə bərpa olunması məqsədi ilə görüləcək işlərdən danışıb və idarə, müəssisə rəhbərlərinə konkret tapşırıqlar verib.
Ötən il dekabrın 6-da bu platformada baş verən yanğında 63 nəfər zərər çəkib.
9 neftçi ölüb. 20-dən çox neftçi itkin sayılır. Cəsədləri hələ də tapılmayıb.
Sizin brauzer HTML5-i dəstəkləmir
Narazı neftçi ailələri qapı-qapı dövlət qurumlarını gəzirlər