Bu gün, iyulun 6-da Müdafiə Nazirliyində genişmiqyaslı təlimlərin yekunlarına dair xidməti müşavirə keçirilib. Bu barədə Müdafiə Nazrilyinin yaydığı məlumatda bildirilir.
Müdafiə naziri Zakir Həsənov təlimlərin uğurla yerinə yetirildiyini, qarşıya qoyulan tapşırıqların tam icra olunduğunu bildirib.
İyulun 2-də Azərbaycan Ordusu genişmiqyaslı təlimlərə başlamışdı.
Müxtəlif qoşun növlərinin, qismlərinin, birlik və birləşmələrinin iştirakı ilə düzənlənən təlimlər iyulun 6-na kimi davam edib.
Təlimlərə 20 min nəfərədək şəxsi heyət, 120-dək tank, digər zirehli texnika, 200-dən artıq müxtəlif çaplı raket və artilleriya qurğusunun cəlb edildiyi açıqlanmışdı.