İyunun 20-də səhər saatlarından başlayaraq Bakıda toz dumanı müşahidə olunur.
Milli Hidrometeorologiya Xidmətindən verilən məlumata görə, toz dumanı Bakı və Abşeron yarımadasına cənub-şərq istiqamətli hava kütlələri vasitəsilə daxil olub.
Peyk görüntülərinə əsasən havada müşahidə olunan toz hissəciklərinin transsərhəd xarakter daşıdığı deyilir.
MHX-dən bildirilir ki, avtomatik stansiyalardan saat 16:00-a daxil olan məlumata əsasən Bakı şəhərində havada dispers toz hissəciklərinin konsentrasiyası sanitar normadan 5.1 dəfə yüksəkdir.
Belə tozlu havanın meteoroloji şəraitdən asılı olaraq yaxın iki gün ərzində davam edəcəyi proqnozlaşdırılır.