►Yerin altıyla boru çəkiblər
Gürcüstanın Maliyyə Nazirliyinin İstintaq Xidməti Bakı-Supsa magistral neft kəmərindən oğurluğa cəhd göstərən iki nəfəri saxlayıb.
Report-un xəbərinə görə, saxlananların kimliyi ictimaiyyətə açıqlanmır.
İddialara görə, saxlanan şəxslər Kareli rayonunun Ruisi kəndində xüsusi texniki qurğu vasitəsi ilə yerin altından bir kilometr uzunluğunda boru çəkiblər. Həmin xətt neft kəmərinə birləşdirilib. Bunun üçün kəmərə xüsusi açar da qaynaq edilib. Məqsəd neft oğurlanması olub. Hüquq mühafizə qurumları dəstənin digər üzvlərini axtarır.
Bir neçə gün əvvəl də, Bakı-Supsa neft kəmərinin Gürcüstan ərazisindən keçən hissəsində oğurluğa cəhd olduğu bildirilirdi. Gürcüstan Daxili İşlər Nazirliyinin əməkdaşları neft kəmərində oyuq aşkar etmişdilər. Həmin ərazidən, generator, qaynaq aparatı, boru və digər avadanlıqlar götürülmüşdü.
Buna da bax: Xalq yazıçısı ilə vida mərasimi
Sizin brauzer HTML5-i dəstəkləmir
Maqsud İbrahimbəyovla vida mərasimi
____________________________________________________________
Bunlara da bax:
____________________________________________________________