ABŞ-ın vitse-prezidenti Kamala Harris Münhen Təhlükəsizlik Konfransındakı çıxışında deyib ki, ölkəsi Rusiyanın Ukraynaya qarşı əsassız müharibəsində “insanlığa qarşı cinayətlər” törətdiyi qənaətinə gəlib.
Harrisə görə, Rusiya hərbi qüvvələri Ukraynada mülki əhaliyə qarşı “geniş və sistemli” hücumlar həyata keçirib.
Buna da bax:
ABŞ Ukraynanın Krıma mümkün zərbələrini dəstəkləyirO, ABŞ-ın sübutları araşdırdıqdan sonra bu nəticəyə gəldiyini bildirib.
"ABŞ rəsmi olaraq Rusiyanın bəşəriyyətə qarşı cinayət törətdiyini müəyyən edib" deyən Harris, Rusiyanın törətdiklərinin ortaq dəyərlərə və ümumi insanlığa hücum olduğunu əlavə edib.
Harris Ukraynada Rusiya hərbi qüvvələri tərəfindən törədilən zorakılıqlara işgəncə və zorlama, o cümlədən Mariupol doğum evinin bombalanması kimi halları misal çəkib.
Rusiya 2022-ci il fevralın 24-də Ukraynaya hücum edib.