«Təhsil haqqında» qanun onlarla ekspertizadan keçib, xarici ölkələrin təcrübəsi öyrənilir. Ekspertiza başa çatandan sonra parlamentin müzakirəsinə təqdim ediləcək. Biz istəyirik ki, bu qanun təkmil olsun». İyulun 4-də Milli Məclisin yay sessiyasının sonuncu iclasında spiker Oqtay Əsədov belə deyib.
Millət vəkilləri bu vaxta kimi «Təhsil haqqında» qanunun nə üçün qəbul edilməməsi məsələsini qaldırıblar. Cəmil Həsənli deyib ki, qanunun qəbul edilmədiyinə görə müəllimlərin əmək haqqı artırıla bilmir. Pedaqoji işçilərin sosial təminatı bərbad vəziyyətdədir.
Pənah Hüseyn bildirib ki, bu layihənin müzakirəsi üçün ayrıca iclas keçirilməlidir.
«Siz elə danışırsınız ki, elə bil bu qanunu qəbul edəndə təhsildə inqilab olacaq. Əslində bu, çərçivə qanunudur»-, spiker Oqtay Əsədov deputatların qaldırdığı məsələyə belə münasibət bildirib.
İyulun 4-də parlamentin yay sessiyasının sonuncu iclası keçirilib.