Azərbaycanın hakim dairələri və ictimai təşkilatların nümayəndələri ilə keçirəcəyim görüşlərdə əsas müzakirə mövzusu ölkədə demokratiyanın daha da inkişaf etdirilməsi olacaq.
Bunu Bakıda səfərdə olan Avropa Şurası Parlament Assambleyasının (AŞPA) sədri Luis Mariya de Puç deyib.
İyulun 1-də Luis Mariya de Puç Azərbaycanın AŞPA-dakı nümayəndə heyəti ilə görüşdən əvvəl jurnalistlərə bildirib ki, Azərbaycan artıq demokratiya yolundadır, hüquqi dövlət yaradılır: «Bakıda keçirəcəyim görüşlərdə Avropa Şurasının bu istiqamətdə hakimiyyətə hansı yardımlar göstərə biləcəyini müzakirə edəcəyik».
Puç Bakıda 4 gün olacaq. Bundan sonra Moldova və Ermənistana gedəcək.