Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasına üç hüquq müdafiəçisi üzv seçilib.
Səsvermə martın 11-də baş tutub. Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov, «Vətəndaş Cəmiyyəti Uğrunda» Müstəqil Məsləhət və Yardım Mərkəzinin direktoru Eldar İsmayılov, Demokratik Seçki Mərkəzinin sədri Rauf Zeyni üzv seçiliblər.
Şuraya üzv olmaq üçün 414 QHT-dən 218 namizəd irəli sürülüb.
11 nəfərdən ibarət Şuranın 8 üzvü QHT-lərin təklif etdiyi namizədlərin arasından, digər 3 üzvü isə dövlət orqanlarının nümayəndələrindən seçiləcək.