Səudiyyə Ərəbistanında Həcc – müsəlmanların müqəddəs Məkkə şəhərinə ziyarəti başa çatıb.
Rəsmi rəqəmlərə əsasən, Həccdə 181 ölkədən təqribən 2.5 milyon zəvvar iştirak edib. Ziyarət bu il ciddi hadisəsiz ötüşüb. Əvvəlki illərdə Həcc çox vaxt yanğın və basabasla müşayiət olurdu – 2006-cı ildə bu kimi hallarda 360-dan çox adam həlak olub.
Bu arada Səudiyyə Ərəbistanında Həcc ziyarəti zamanı hücumlar etməyə hazırlaşan terrorçular həbs olunub.
Üstü açılan sui-qəsd barədə ölkənin Daxili İşlər Nazirliyi məlumat verib.