ABŞ Konqresinin Nümayəndələr Palatasında Amerikanın Azərbaycandakı insan haqları ilə bağlı siyasəti müzakirə olunacaq. Konqresin Beynəlxalq Təşkilatlar, İnsan Haqları üzrə alt komitəsindəki dinləmələrə demokrat, Massaçusets ştatından konqresmen Bill Delanant sədrlik edəcək.
Dinləmələrdə «Freedom House»un icraçı direktoru Cenifer Undzor, Amerika İnkişaf Mərkəzinin eksperti Morton Helperin və başqaları iştirak edəcəklər.
İyulun 12-də keçiriləcək dinləmələrin mövzusu belə adlanır: İnsan haqlarında ikili standartlar varmı? ABŞ-ın Azərbaycan, Kuba və Misirdəki siyasəti.