Rusiyanın Xarici İşlər naziri Sergey Lavrov mayın 21-də iki günlük səfərlə Bakıya gəlib. O, azərbaycanlı həmkarı Elmar Məmmədyarov və dövlət başçısı İlham Əliyevlə danışıqlar aparacaq. «Turan»ın məlumatına görə, görüş zamanı ikitərəfli münasibətlərin inkişafı məsələləri və aktual beynəlxalq problemlər nəzərdən keçiriləcək.
Mayın 22-də Lavrov Bakı Dövlət Universitetində məzurə ilə çıxış edəcək və Qafqaz Müsəlmanları İdarəsinin rəhbəri Allahşükür Paşazadə ilə görüşəcək.
Rusiya Xarici İşlər Nazirliyinin rəsmi nümayəndəsi Mixail Kamınin bildirib ki, Moskva Azərbaycanla enerji əməkdaşlığının genişlənməsinə ümid edir: «Güman edirik ki, Rusiya və Azərbaycan üçün təbii sayılan yanacaq-energetika kompleksilə yanaşı, neftlə bağlı olmayan sahələrdə də ikitərəfli əlaqələrin genişlənməsi üçün yaxşı perspektivlər var». Onun sözlərinə görə, Lavrov Bakıda həmçinin Qarabağ münaqişəsinin nizamlanmasını müzakirə edəcək.
