Deputat Cəlal Əliyevin «Müxalifət» qəzetinə qarşı qaldırdığı iddiaya aprelin 9-da baxılacaq. Yasamal Rayon Məhkəməsində hakim Məlahət Abdulmanafovanın sədrliyi ilə aprelin 2-nə təyin olunmuş hazırlıq iclasında tərəflər qaldırılan vəsatətlərlə tanış olublar.
Cəlal Əliyev «Müxalifət» qəzetinin 27 fevral 2007-ci il tarixli sayında «AMAY: Əliyevlər ailəsinin ticarət nişanı» başlıqlı yazıya görə, sözügedən nəşri Cinayət Məcəlləsinin 147.1 (böhtan) və 147.2 (təhqir) maddələri ilə məhkəməyə verib.