Bolqarıstanda yeni parlament seçkisi gözlənir.
Buna səbəb ötən ay parlament seçkisində ən çox səs toplayan partiyanın yeni hökuməti formalaşdıra bilməməsidir.
“Belə bir xalq var” partiyasının rəhbəri Slavi Trifonov avqustun 10-da videomüraciətində bildirib ki, partiyaya rəğbəti olan digər 2 partiya onlara dəstək olmayacaqlarını bildirdiklərinə görə, hökumət yaratmaq qərarından vaz keçiblər.
Bu partiya İyulun 11-də keçirilmiş seçkidə 240 yerlik parlamentdə 65 yer qazanıb.
Trifonov həmçinin deyib ki, onun partiyası, koalision hökumət yaratmaq istəyən heç bir partiyanı dəstəkləməyəcək və bu o deməkdir ki, ölkə yeni seçkilərə yaxınlaşır.
Keçmiş baş nazir Boyko Borisovun “GERB” partiyası isə parlamentdə cəmi 63 yer qazana bilib. O da bundan əvvəl hökumət yaratmayacağını bildirib.
Parlamentə düşən digər partiyalarınsa bunun üçün yetərincə mandatı yoxdur.
Ölkə prezidenti Rumen Radev iyun seçkilərini, məhz eyni səbəbdən təyin eləmişdi.
Bundan əvvəl-apreldə keçirilmiş parlament seçkisində də siyasi partiyalardan heç biri yetərincə mandat qazana bilmədiyindən, hokuməti formalaşdırmaq mümkün olmadı.